1) 对婚宴酒有什么要求/期待 ？

传统中国人都惯用红色作喜庆用意，小编当年结婚时家人要求唔可以有任何白色/白酒出现，亦有家庭不介意用白酒作Party或食物配对。有品酒经验嘅朋友都明白，红酒配传统婚宴菜式唔系太适合。类似要求最好事先搅清楚，往后就更易决定购买方向。

另外，不少新人都会安排开香槟、合卺交杯、祝酒，又或者会有下午观礼Cocktail Party，纯喜庆可以安排气酒或香槟。如果Cocktail Party在室外，大热天时安排清爽冰凉白酒会更好。

2) 送货注意事项

购买12支/一箱以上一般都包送货，如果贵或质素好嘅酒，酒店/酒楼容许提早送货 ，最好当然两星期前送到婚宴地点。但一般场地未必提供长时间代存酒，咁只要确保婚宴前一日送到就得。小编亦见过有酒楼出错将新人提早送到嘅酒，当自己酒楼餐酒开咗俾其他新人使用，赔钱事小，大日子有遗憾唔抵，所以安排前一日送到就好。

3) 要买多少酒？

呢个问题令唔少新人烦恼，亦从来无人畀到指引。其实亦要睇来宾性质。来宾属于会饮好多嘅豪爽型，定系人人都饮一杯起两杯止斯文型，定系唔太饮酒嘅克俭型？

一般红白酒750ML ，以一般酒楼酒店提供酒杯以及侍酒量，大约有五至七杯。平均计六杯嘅话一围就要两支。其实有唔少人可以就系呢一杯饮到尾。就算加都系一杯起两杯止。

另外，如果新人婚宴地方偏远或多人自驾入去，又或者婚宴日系平日或星期日(即系第二日要返工)会大大减少宾客饮酒量。但好多时现实系新人嘅朋友有豪爽，有斯文又有克俭，又系星期六晚婚宴…即系点计？小编亲身经验：26围，有两围左右超豪爽型，少于一围克俭型。小编准备左72支。最后有13支拎返屋企。每围平均酒(围均酒)约2.2支。

小编帮唔少朋友安排婚宴酒，每围平均酒亦由1.2支到2.5支左右，未试过超过2.5支一围。希望俾到大家一点头绪。

4) 预几多Budget买酒好？

当然睇新人财力以及对酒要求，无一个标准，小编亲身参与购买最平$50内到$500内一支都见过。但小编问过做婚宴嘅酒商，最多人选购都系$70到$120。可以预期$100内一支亦已经算唔错嘅指标。

5) 如果我想有不同的酒给不同的朋友，有什么要注意？

安排上最多只有两类酒，唔好出现三类或更多酒。另外要求酒楼或酒店分派一位专员只负责该酒嘅安排，咁就大大减低出错机会。或者只喺敬酒时用，叫酒楼多预备酒杯，喺后面跟住新人边敬酒边饮。

6) 如果我只打算用酒店/酒楼提供红酒可以吗 ？

当然可以。唔少酒店自家提供嘅酒都唔错，但往往提供数量不多。新人先要问清楚如果唔够后加费用是否合理。而酒楼嘅红酒质素参差，所以一般唔太建议用酒楼提供嘅酒，除非新人自己亲身试过。

一般酒楼都会送红白酒或干邑(掯嘢)，可以选择对换其他饮品或退款，以2013年为例，普遍一围包两支红酒可以退$20至$60不等。

7) 如果饮唔哂，通常点处理？

饮唔哂可以话系必定会出现嘅Happy Problem。处理方法：分开已开樽或未开樽，普通婚宴酒已开樽，请放弃吧。因为开左樽嘅红酒多数都放唔得耐，当然，如果系一支几百元或者过千元嘅酒未饮完的话唔驶小编建议新人都一定会拎番去再饮。

8) 如果唔够，又有咩补救方法？

方法其实只有两个。一就系事先同酒店或酒楼商讨即场开佢地提供嘅酒，一系到附近实时补货。小编有朋友经历过，如果唔系一开始预备太少酒的话，往往都只因为豪爽型宾客太多，希望不醉无归，此情况只要有酒精，豪爽型宾客就会满足，而用酒楼本身有嘅酒或附近7-11/超市红酒就已经可以解决。

本文转自：tietheknots